ବିଜ୍ଞାନସମ୍ମତ କାରଣ ଦଶାଆ ତାରାଗୁଡିକ କାହିଁକି ଦପ୍ଦପ୍ ହୁଏ ?

ତାରାଗୁଡ଼ିକ ଦପ୍ଦପ୍ ହେବା ବାୟୁମଣ୍ଡଳୀୟ ପ୍ରତିସରଣର ଏକ ପରିଚିତ ଘଟଣା।
1. ତାରାଠାରୁ ଆସୁଥିବା ଆଲୋକ ବାୟୁମଣ୍ଡଳର ବିଭିନ୍ନ ସ୍ତର ଦେଇ ଆମ ଚକ୍ଷୁରେ ପହଞ୍ଚେ।
2. ବାୟୁମଣ୍ଡଳର ବିଭିନ୍ନ ସ୍ତରର ତାପମାତ୍ରା, ଘନତା ଓ ପ୍ରତିସରଣାଙ୍କ ସମାନ ନୁହେଁ।
3. ତେଣୁ ଆଲୋକରଶ୍ମି ବାୟୁମଣ୍ଡଳରେ କ୍ରମାଗତ ଭାବରେ ପ୍ରତିସୃତ ହୁଏ।
4. ପ୍ରତିସରଣାଙ୍କର କ୍ରମ ପରିବର୍ତ୍ତନ ହେତୁ ଆଲୋକରଶ୍ମି ଅଭିଲମ୍ବ ଆଡ଼କୁ ଅନବରତ ବଙ୍କା ହୁଏ।
5. ଫଳରେ ତାରାର ଆଭାସୀ ଅବସ୍ଥାନ ତାହାର ପ୍ରକୃତ ଅବସ୍ଥାନଠାରୁ ସାମାନ୍ୟ ଉପରତଳ ହୋଇ ପରିବର୍ତ୍ତିତ ହୁଏ।
6. ବାୟୁସ୍ତରର ଅବସ୍ଥା ସମୟକ୍ରମେ ବଦଳୁଥିବାରୁ ତାରାର ଆଭାସୀ ଅବସ୍ଥାନ ମଧ୍ୟ ଲଗାତାର ବଦଳେ।
7. ତାରା ଅତ୍ୟନ୍ତ ଦୂରରେ ଥିବାରୁ ଏହାକୁ ବିନ୍ଦୁ-ଆଲୋକ ଉତ୍ସ ଭାବେ ଦେଖାଯାଏ।
8. ତେଣୁ ଆଭାସୀ ଅବସ୍ଥାନର ସାମାନ୍ୟ ପରିବର୍ତ୍ତନ ତାରାର ଦୀପ୍ତିରେ ସ୍ପଷ୍ଟ ପ୍ରଭାବ ପକାଏ।
ଫଳସ୍ୱରୂପ ତାରାର ଉଜ୍ଜ୍ୱଳତା କେବେ ବଢ଼େ ଓ କେବେ କମେ; ତେଣୁ ତାରାଟି ଦପ୍ଦପ୍ ହେଉଥିବା ପରି ଦିଶେ।