ସମୀପ ଦୃଷ୍ଟି (Myopia) କାହିଁକି ହୋଇଥାଏ ଏବଂ ଏହାର ପ୍ରତିକାର ପାଇଁ କେଉଁ ଲେନ୍ସର ବ୍ୟବହାର କରାଯାଏ? ବିସ୍ତୃତ ଭାବେ ବୁଝାନ୍ତୁ।

ସମୀପ ଦୃଷ୍ଟି (Myopia) ହେଉଛି ଏକ ପ୍ରତିସରଣଜନିତ ଦୃଷ୍ଟିଦୋଷ, ଯେଉଁଥିରେ ଦୂର ବସ୍ତୁ ସ୍ପଷ୍ଟ ଦେଖାଯାଏ ନାହିଁ, କିନ୍ତୁ ନିକଟ ବସ୍ତୁ ସ୍ପଷ୍ଟ ଦେଖାଯାଏ।

1. ଚକ୍ଷୁ ଲେନ୍ସର ବକ୍ରତା ବଢ଼ିଗଲେ ତାହାର ପାୱାର ବଢ଼ିଯାଏ ଏବଂ ଫୋକସ୍ ଦୂରତା କମିଯାଏ।
2. କେତେକ କ୍ଷେତ୍ରରେ ଚକ୍ଷୁଗୋଳକ ଲମ୍ବିଯାଇଥିଲେ ମଧ୍ୟ ଏହି ଦୋଷ ହୋଇଥାଏ।
3. ଏହି ଅବସ୍ଥାରେ ଦୂର ବସ୍ତୁରୁ ଆସୁଥିବା ସମାନ୍ତରାଳ ଆଲୋକ କିରଣଗୁଡ଼ିକ ମୁକୁରିକା ଉପରେ ନ ପଡ଼ି ତାହାର ପୂର୍ବରୁ ଚକ୍ଷୁଗୋଳକ ଭିତରେ ପ୍ରତିବିମ୍ବ ଗଠନ କରେ।
4. ତେଣୁ ଦୂର ବସ୍ତୁ ଝାପସା ଦେଖାଯାଏ, ଯେତେବେଳେ ନିକଟ ବସ୍ତୁର ପ୍ରତିବିମ୍ବ ମୁକୁରିକା ଉପରେ ପଡ଼ିଥାଏ।
5. ଏହାର ପ୍ରତିକାର ପାଇଁ ଉପଯୁକ୍ତ ଅବତଳ ଲେନ୍ସ (Concave lens) ଥିବା ଚଶମା ବ୍ୟବହାର କରାଯାଏ।
6. ଅବତଳ ଲେନ୍ସର ପାୱାର ଋଣାତ୍ମକ ହୋଇଥାଏ ଏବଂ ଏହା ଚକ୍ଷୁ ଲେନ୍ସର ସମାହାର ପାୱାରକୁ କମାଇଦିଏ।
7. ଫଳରେ ସମାହାର ଲେନ୍ସର ଫୋକସ୍ ଦୂରତା ବଢ଼ିଯାଏ ଏବଂ ଦୂର ବସ୍ତୁର ପ୍ରତିବିମ୍ବ ମୁକୁରିକା ଉପରେ ଗଠିତ ହୁଏ।

ଏହିପରି ଅବତଳ ଲେନ୍ସ ବ୍ୟବହାର କଲେ ସମୀପ ଦୃଷ୍ଟି ଦୋଷ ଦୂର ହୋଇ ବ୍ୟକ୍ତି ଦୂର ବସ୍ତୁକୁ ସ୍ପଷ୍ଟ ଦେଖିପାରେ।