ବିଜ୍ଞାନସମ୍ମତ କାରଣ ଦଶାଅ ମହାକାଶଚାରୀମାନଙ୍କୁ ଆକାଶ କାହିଁକି ନୀଳ ପରିବର୍ତ୍ତେ ଅନ୍ଧାରୁଆ ଜଣାଯାଏ ?

ମହାକାଶଚାରୀମାନଙ୍କୁ ଆକାଶ ନୀଳ ପରିବର୍ତ୍ତେ ଅନ୍ଧାରୁଆ ଦେଖାଯାଏ, କାରଣ ମହାକାଶରେ ପୃଥିବୀ ପରି ଘନ ବାୟୁମଣ୍ଡଳ ନାହିଁ।
1. ପୃଥିବୀର ବାୟୁମଣ୍ଡଳରେ ବାୟୁର ଅଣୁ ଓ ବିଭିନ୍ନ ସୂକ୍ଷ୍ମକଣିକା ରହିଥାଏ।
2. ଏହି କଣିକାଗୁଡ଼ିକ ସୂର୍ଯ୍ୟାଲୋକର କମ୍ ତରଙ୍ଗଦୈର୍ଘ୍ୟର ନୀଳ ଆଲୋକକୁ ଲାଲ ଆଲୋକଠାରୁ ଅଧିକ ବିଛୁରିତ କରନ୍ତି।
3. ବାୟୁମଣ୍ଡଳରେ ବିଛୁରିତ ନୀଳ ଆଲୋକ ଆମ ଚକ୍ଷୁରେ ପହଞ୍ଚିଥିବାରୁ ପୃଥିବୀରୁ ଆକାଶ ନୀଳ ଦେଖାଯାଏ।
4. ଆକାଶ ନୀଳ ଦେଖାଯିବାର ମୂଳ କାରଣ ହେଉଛି ବାୟୁମଣ୍ଡଳୀୟ ବିଛୁରଣ।
5. ମହାକାଶରେ ପ୍ରାୟ କୌଣସି ବାୟୁମଣ୍ଡଳ ନଥିବାରୁ ବାୟୁର ଅଣୁ ଓ ସୂକ୍ଷ୍ମକଣିକା ଅତ୍ୟନ୍ତ କମ୍ ଥାଏ।
6. ତେଣୁ ସୂର୍ଯ୍ୟାଲୋକକୁ ବିଛୁରିତ କରିବା ପାଇଁ ପ୍ରୟାପ୍ତ କଣିକା ଉପଲବ୍ଧ ହୁଏ ନାହିଁ।
7. ବିଛୁରଣ ନ ହେବାରୁ ନୀଳ ଆଲୋକ ଚାରିଦିଗକୁ ପ୍ରସାରିତ ହୋଇ ମହାକାଶଚାରୀଙ୍କ ଚକ୍ଷୁରେ ପହଞ୍ଚେ ନାହିଁ।
ଏହି କାରଣରୁ ଅତି ଉଚ୍ଚ ଆକାଶ କିମ୍ବା ମହାକାଶରେ ଆଲୋକର ବିଛୁରଣ ଖୁବ୍ କମ୍ ହୋଇ ଆକାଶ ନୀଳ ନୁହେଁ, ଅନ୍ଧାରୁଆ ଦେଖାଯାଏ।