ଟିଣ୍ଡଲ୍ ସିଦ୍ଧାନ୍ତକୁ ଗୋଟିଏ ଉଦାହରଣ ଦେଇ ବୁଝାଆ

କୋଲଏଡାଲ କଣିକାଗୁଡ଼ିକ ଦ୍ୱାରା ଆଲୋକ ବିଭିନ୍ନ ଦିଗକୁ ବିଛୁରିତ ହୋଇ ଆଲୋକର ଗତିପଥ ଦୃଶ୍ୟ ହେବାକୁ ଟିଣ୍ଡଲ୍ ସିଦ୍ଧାନ୍ତ କୁହାଯାଏ।
1. ପୃଥିବୀର ବାୟୁମଣ୍ଡଳରେ ଧୂମ, ସୂକ୍ଷ୍ମ ଜଳକଣା, ଧୂଳିକଣା ଓ ବାୟୁର ଅଣୁ ସମୂହ ଭଳି ଛୋଟ ବିଷମଜାତୀୟ କଣିକା ରହିଛି।
2. ଆଲୋକ ଗୁଚ୍ଛ ଏହି ସୂକ୍ଷ୍ମ କଣିକାଗୁଡ଼ିକ ଉପରେ ପଡ଼ିଲେ ଆଲୋକ ବିଭିନ୍ନ ଦିଗକୁ ପ୍ରତିଫଳିତ ବା ବିଛୁରିତ ହୁଏ।
3. ବିଛୁରିତ ଆଲୋକର କିଛି ଅଂଶ ଆମ ଚକ୍ଷୁରେ ପହଞ୍ଚିବାରୁ ଆଲୋକର ଗତିପଥ ଦେଖାଯାଏ।
4. ଉଦାହରଣସ୍ୱରୂପ, ଧୂମପୂର୍ଣ୍ଣ କୋଠରୀରେ ଏକ ସୂକ୍ଷ୍ମ ଦ୍ୱାର ଦେଇ ସୂର୍ଯ୍ୟାଲୋକ ପ୍ରବେଶ କରାଇଲେ ଆଲୋକର ରଶ୍ମିପଥ ସ୍ପଷ୍ଟ ଦେଖାଯାଏ।
5. ଏଠାରେ ଧୂମକଣିକାଗୁଡ଼ିକ ଆଲୋକକୁ ବିଭିନ୍ନ ଦିଗକୁ ବିଛୁରିତ କରିଥାଏ।
6. ଘନ ଜଙ୍ଗଲର ବିତାନ ମଧ୍ୟଦେଇ ସୂର୍ଯ୍ୟାଲୋକର ରଶ୍ମିଗୁଚ୍ଛ ଗତି କଲାବେଳେ ମଧ୍ୟ ସୂକ୍ଷ୍ମ କଣିକା ଯୋଗୁଁ ଟିଣ୍ଡଲ୍ ସିଦ୍ଧାନ୍ତ ଦେଖାଯାଏ।
7. କୁହୁଡ଼ିରେ ଥିବା କ୍ଷୁଦ୍ର ଜଳବିନ୍ଦୁ ସମୂହ ମଧ୍ୟ ଆଲୋକକୁ ବିଛୁରିତ କରିଥାଏ।
ଏଣୁ କୋଲଏଡାଲ କଣିକାଦ୍ୱାରା ଆଲୋକ ବିଛୁରଣ ହେବା ଟିଣ୍ଡଲ୍ ସିଦ୍ଧାନ୍ତର ମୂଳ କାରଣ।