ଜୀବାଶ୍ମ ଇନ୍ଧନର ବ୍ୟବହାର ବିଷୟରେ ଆଲୋଚନା କର। ଏଗୁଡ଼ିକର ବ୍ୟବହାର କାହିଁକି ଚିନ୍ତାର ବିଷୟ?

ଜୀବାଶ୍ମ ଇନ୍ଧନର ବ୍ୟବହାର ଓ ଏହାର ସମସ୍ୟା

କୋଇଲା ଓ ପେଟ୍ରୋଲିୟମ୍ ଜୀବାଶ୍ମ ଇନ୍ଧନ (Fossil fuel) ଏବଂ ନବୀକରଣଅଯୋଗ୍ୟ ପ୍ରାକୃତିକ ସମ୍ପଦ। ଏଗୁଡ଼ିକୁ ଆମେ ମୁଖ୍ୟ ଶକ୍ତି ସମ୍ପଦ ଭାବେ ବ୍ୟବହାର କରୁଛୁ।

1. ଶିଳ୍ପ ସଂସ୍ଥା, ତାପଜ ବିଦ୍ୟୁତ୍ କେନ୍ଦ୍ର, ଗାଡ଼ିମଟର ଓ କୃଷିକାର୍ଯ୍ୟରେ କୋଇଲା ଓ ପେଟ୍ରୋଲିୟମ୍ ବହୁଳ ଭାବରେ ବ୍ୟବହୃତ ହୁଏ।

2. ଆମ ଦେଶରେ ମୁଖ୍ୟତଃ କୋଇଲା ଜଳାଇ ତାପଜ ବିଦ୍ୟୁତ୍ କେନ୍ଦ୍ରରେ ବିଦ୍ୟୁତ୍ ଉତ୍ପାଦନ କରାଯାଏ।

3. ଏଗୁଡ଼ିକ ନବୀକରଣଅଯୋଗ୍ୟ ହେତୁ ମଣିଷ ଏହାକୁ ପୁନର୍ବାର ସୃଷ୍ଟି କରିପାରେ ନାହିଁ। ଅଧିକ ବ୍ୟବହାର ହେଲେ ପ୍ରାୟ 50 ବର୍ଷ ମଧ୍ୟରେ ପେଟ୍ରୋଲିୟମ୍ ଓ 100 ବର୍ଷ ମଧ୍ୟରେ କୋଇଲା ଶେଷ ହୋଇପାରେ।

4. କୋଇଲା ଓ ପେଟ୍ରୋଲିୟମ୍ ଜଳିଲେ ବାୟୁ ପ୍ରଦୂଷଣ ହୁଏ। ଅସମ୍ପୂର୍ଣ୍ଣ ଦହନ ଯୋଗୁଁ ଅଙ୍ଗାରକ କଣା ଧୂଆଁ ଆକାରରେ ବାୟୁମଣ୍ଡଳରେ ମିଶିଥାଏ।

5. ଏଗୁଡ଼ିକର ଦହନରେ ଅଙ୍ଗାରକାମ୍ଳର ପରିମାଣ ବଢ଼ି ତାପମାତ୍ରା ବୃଦ୍ଧି ଓ ସବୁଜ କୋଠରି ପ୍ରଭାବ ସୃଷ୍ଟି ହୁଏ। ଏହା ମଣିଷ, ପରିବେଶ ଓ ଜୈବବିବିଧତା ପାଇଁ କ୍ଷତିକାରକ।

ତେଣୁ ଶକ୍ତି ସଞ୍ଚୟ, ଶକ୍ତିର ସଦ୍ବ୍ୟବହାର ଓ ସୌରଶକ୍ତି, ପବନଶକ୍ତି ପରି ନବୀକରଣଯୋଗ୍ୟ ଶକ୍ତିର ବ୍ୟବହାର ବଢ଼ାଇବା ଆବଶ୍ୟକ।