ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନ ପ୍ରକ୍ରିୟାରେ ଓଡ଼ିଶା ପ୍ରଶାସନିକ କମିଟିର ଭୂମିକା ବର୍ଣ୍ଣନା କରନ୍ତୁ।

ଓଡ଼ିଶା ପ୍ରଶାସନିକ କମିଟିର ଭୂମିକା

ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନ ପୂର୍ବରୁ ନୂତନ ପ୍ରଦେଶର ପ୍ରଶାସନିକ ସମସ୍ୟାଗୁଡ଼ିକର ସମାଧାନ ଆବଶ୍ୟକ ଥିଲା। ଏହି ଉଦ୍ଦେଶ୍ୟରେ ୧୯୩୩ ଜୁନ୍ ୨୪ ତାରିଖରେ ଜନ୍ ଅଷ୍ଟିନ୍ ହବାକ୍ଙ୍କ ଅଧ୍ୟକ୍ଷତାରେ ଓଡ଼ିଶା ପ୍ରଶାସନିକ କମିଟି ଗଠିତ ହୋଇଥିଲା।

୧. ଅଧ୍ୟକ୍ଷଙ୍କ ବ୍ୟତୀତ ମଧୁସୂଦନ ଦାସଙ୍କ ସମେତ ଏହି କମିଟିରେ ନ’ଜଣ ସଦସ୍ୟ ଥିଲେ।
୨. ନୂତନ ପ୍ରଦେଶ ଗଠନ ସମ୍ବନ୍ଧୀୟ ବିଭିନ୍ନ ପ୍ରଶାସନିକ ସମସ୍ୟାର ଅଧ୍ୟୟନ କରିବା ଏହାର ପ୍ରଧାନ କାର୍ଯ୍ୟ ଥିଲା।
୩. କମିଟି ୧୯୩୩ ଡିସେମ୍ବର ୨୦ ତାରିଖରେ ନୂତନ ପ୍ରଦେଶର ଶାସନ ବ୍ୟବସ୍ଥା ସମ୍ପର୍କରେ ଗୁରୁତ୍ୱପୂର୍ଣ୍ଣ ପ୍ରସ୍ତାବ ଦେଇଥିଲା।
୪. ଏହି ପ୍ରସ୍ତାବଗୁଡ଼ିକ ନୂତନ ଓଡ଼ିଶାର ଶାସନ ପରିଚାଳନାରେ ସହାୟକ ହୋଇଥିଲା।
୫. ମଧୁସୂଦନ ଦାସଙ୍କ ମୂଲ୍ୟବାନ ପରାମର୍ଶ ଓ ସକ୍ରିୟ ସହଯୋଗ କମିଟିର କାର୍ଯ୍ୟକୁ ଅଧିକ ଫଳପ୍ରଦ କରିଥିଲା।
୬. ଏହି କମିଟିରେ ତାଙ୍କର ସହଯୋଗ ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନ ଦିଗରେ ତାଙ୍କର ଶେଷ ଔପଚାରିକ କାର୍ଯ୍ୟ ଥିଲା।
ଏହିପରି, ପ୍ରଶାସନିକ କମିଟି ନୂତନ ଓଡ଼ିଶାର ଶାସନ ପାଇଁ ଆବଶ୍ୟକ ଭିତ୍ତି ପ୍ରସ୍ତୁତ କରି ପ୍ରଦେଶ ଗଠନ ପ୍ରକ୍ରିୟାକୁ ସଫଳ କରିଥିଲା।