ଭାରତରେ ଦାରିଦ୍ର୍ୟ ଓ ବେକାରୀ ଦୂରୀକରଣ ପାଇଁ କେଉଁ ପ୍ରୟାସ କରାଗଲା ଏବଂ ଏହାର ପ୍ରଭାବ କଣ?

ଭାରତରେ ଦାରିଦ୍ର୍ୟ ଓ ବେକାରୀ ଦୂରୀକରଣ ପାଇଁ ବିଭିନ୍ନ ଯୋଜନା ଓ ପଦକ୍ଷେପ ନିଆଯାଇଥିଲା।

1. ୧୯୬୯ରେ ବ୍ୟାଙ୍କଗୁଡ଼ିକର ଜାତୀୟକରଣ ପରେ ସାଧାରଣ ଲୋକଙ୍କ ଆତ୍ମନିଯୁକ୍ତି ଓ କୃଷିକ୍ଷେତ୍ର ପାଇଁ ଋଣ ସୁଲଭ ହେଲା।
2. ୧୯୭୮ରେ ସମନ୍ୱିତ ଗ୍ରାମ୍ୟ ଉନ୍ନୟନ ଯୋଜନା ଏବଂ ଗ୍ରାମାଞ୍ଚଳ ନାରୀ ଓ ଶିଶୁବିକାଶ ଯୋଜନା ଆରମ୍ଭ ହେଲା।
3. ୧୯୯୯ରେ ସ୍ୱର୍ଣ୍ଣଜୟନ୍ତୀ ଗ୍ରାମ୍ୟ ସ୍ୱରୋଜଗାର ଯୋଜନା ଏବଂ ୨୦୦୦ରେ ପ୍ରଧାନମନ୍ତ୍ରୀ ଗ୍ରାମୋଦୟ ଯୋଜନା ଆରମ୍ଭ କରାଗଲା।
4. ପ୍ରଧାନମନ୍ତ୍ରୀ ଗ୍ରାମୋଦୟ ଯୋଜନାର ଦୁଇଟି ବିଭାଗ ଥିଲା—ପ୍ରଧାନମନ୍ତ୍ରୀ ଗ୍ରାମସଡ଼କ ଯୋଜନା ଓ ଇନ୍ଦିରା ଆବାସ ଯୋଜନା।
5. ସହରାଞ୍ଚଳର ବେକାର ଯୁବକଯୁବତୀଙ୍କ ପାଇଁ ୧୯୯୭ରେ ସ୍ୱର୍ଣ୍ଣଜୟନ୍ତୀ ସହରୀ ରୋଜଗାର ଯୋଜନା ଆରମ୍ଭ ହେଲା।
6. ଖାଦ୍ୟ ନିରାପତ୍ତା ପାଇଁ ଅନ୍ତୋଦୟ ଅନ୍ନ ଯୋଜନା ଅଧୀନରେ ଅତି ଦରିଦ୍ର ପରିବାରଙ୍କୁ ସସ୍ତା ଦରରେ ଚାଉଳ ଓ ଗହମ ଯୋଗାଇ ଦିଆଗଲା।

ଏହି ଯୋଜନାଗୁଡ଼ିକ ଦାରିଦ୍ର୍ୟ, ବେକାରୀ ଓ ଆଞ୍ଚଳିକ ବୈଷମ୍ୟକୁ ସମ୍ପୂର୍ଣ୍ଣ ଦୂର କରିପାରିନଥିଲେ ମଧ୍ୟ ଗରିବ ଓ ବେକାର ଲୋକଙ୍କ ଦୁରବସ୍ଥା ଅନେକ ମାତ୍ରାରେ ହ୍ରାସ କରିଥିଲେ।