ଦାଣ୍ଡିଯାତ୍ରାର ବିଷୟରେ ସବିଶେଷରେ ବର୍ଣ୍ଣନା କରନ୍ତୁ।

ଦାଣ୍ଡିଯାତ୍ରା

ଭୂମିକା: ୧୯୩୦ ମସିହାର ଆଇନ ଅମାନ୍ୟ ଆନ୍ଦୋଳନର ଆରମ୍ଭ ଦାଣ୍ଡିଯାତ୍ରା ମାଧ୍ୟମରେ ହୋଇଥିଲା। ଲବଣ ଆଇନ ଭଙ୍ଗ କରିବା ଏହାର ପ୍ରଧାନ ଉଦ୍ଦେଶ୍ୟ ଥିଲା।

1. ୧୯୩୦ ମାର୍ଚ୍ଚ ୧୨ ତାରିଖରେ ମହାତ୍ମା ଗାନ୍ଧିଜୀ ସାବରମତୀ ଆଶ୍ରମରୁ ଦାଣ୍ଡି ଅଭିମୁଖେ ଯାତ୍ରା ଆରମ୍ଭ କରିଥିଲେ।

2. ତାଙ୍କ ସହ ୭୮ ଜଣ କଂଗ୍ରେସ କର୍ମୀ ଥିଲେ। ସାବରମତୀରୁ ଗୁଜରାଟର ଦାଣ୍ଡି ପର୍ଯ୍ୟନ୍ତ ଦୂରତା ପ୍ରାୟ ୨୪୧ ମାଇଲ ଥିଲା।

3. ଯାତ୍ରାପଥରେ ବିଭିନ୍ନ ସ୍ଥାନରେ ପୁରୁଷ ଓ ମହିଳା ନିର୍ବିଶେଷରେ ନେତା ଏବଂ ସାଧାରଣ ଲୋକ ଗାନ୍ଧିଜୀଙ୍କୁ ସମ୍ବର୍ଦ୍ଧନା ଜଣାଇଥିଲେ ଓ ଅନେକେ ଯାତ୍ରାରେ ଯୋଗ ଦେଇଥିଲେ।

4. ସାବରମତୀଠାରୁ ଦାଣ୍ଡି ପର୍ଯ୍ୟନ୍ତ ଏହି ଐତିହାସିକ ପଦଯାତ୍ରା ‘ଦାଣ୍ଡିଯାତ୍ରା’ ନାମରେ ପ୍ରସିଦ୍ଧ ହେଲା।

5. ୧୯୩୦ ଏପ୍ରିଲ ୬ ତାରିଖ ସକାଳେ ଗାନ୍ଧିଜୀ ଦାଣ୍ଡି ସମୁଦ୍ରତଟରେ ପହଞ୍ଚି ଲୁଣ ମାରିବା ଉଦ୍ଦେଶ୍ୟରେ ମୁଠାଏ ବାଲି ଉଠାଇଥିଲେ। ଏହା ଦ୍ୱାରା ସେ ଅନ୍ୟାୟ ଲବଣ ଆଇନକୁ ଅମାନ୍ୟ କରିଥିଲେ।

ଉପସଂହାର: ଦାଣ୍ଡିଯାତ୍ରା ଭାରତୀୟମାନଙ୍କ ମଧ୍ୟରେ ଜାତୀୟତାବୋଧ ଓ ବ୍ରିଟିଶ ବିରୋଧୀ ଚେତନାକୁ ଦୃଢ଼ କରିଥିଲା।