ବୃଷ୍ଟିଜଳ ସଂରକ୍ଷଣର ଉପାୟଗୁଡ଼ିକ ବର୍ଣ୍ଣନ କର

ବୃଷ୍ଟିଜଳ ସଂରକ୍ଷଣର ଉପାୟ

ବୃଷ୍ଟିଜଳକୁ ସଂଗ୍ରହ କରି ଭୂତଳ ଜଳର ପରିମାଣ ବୃଦ୍ଧି କରିବା ଓ ଆବଶ୍ୟକତା ସମୟରେ ବ୍ୟବହାର କରିବାକୁ ବୃଷ୍ଟିଜଳ ସଂରକ୍ଷଣ କୁହାଯାଏ। ଏହାର ପ୍ରମୁଖ ଉପାୟଗୁଡ଼ିକ ହେଲା—

1. ଛାତ ଉପରେ ପଡ଼ୁଥିବା ବର୍ଷାଜଳକୁ ନଳ ଦ୍ୱାରା ବାଲିଶଯ୍ୟା ଥିବା କମ୍ ଗଭୀର ଗର୍ତ୍ତକୁ ଛାଡ଼ିବା ଦରକାର। ବାଲି ଜଳକୁ ଶୋଷଣ କରି ମାଟିତଳକୁ ପଠାଇଥାଏ।

2. ଏହି ଜଳ ଭୂତଳ ଜଳ ସହିତ ମିଶି ଭୂତଳ ଜଳର ପରିମାଣ ବୃଦ୍ଧି କରେ।

3. ବର୍ଷାଜଳକୁ ଟାଙ୍କିରେ ସଂଗ୍ରହ କରି ଘରୋଇ କାର୍ଯ୍ୟ ଓ ଅନ୍ୟାନ୍ୟ ଆବଶ୍ୟକତାରେ ସିଧାସଳଖ ବ୍ୟବହାର କରାଯାଇପାରେ।

4. ଛୋଟ ନଦୀବନ୍ଧ ନିର୍ମାଣ କରି ଅଧିକ ଜଳ ସଞ୍ଚୟ କରାଯାଇପାରେ।

5. ପୋଖରୀ ଓ କୃତ୍ରିମ ହ୍ରଦ ସୃଷ୍ଟି କରି ବର୍ଷାଜଳ ସଂଗ୍ରହ କରାଯାଇପାରେ। ଓଡ଼ିଶା ସରକାରଙ୍କ ‘ମୋ ପୋଖରୀ’ ପ୍ରକଳ୍ପ ଏହାର ଏକ ଉତ୍ତମ ପଦକ୍ଷେପ।

ଏହିପରି ବୃଷ୍ଟିଜଳ ସଂରକ୍ଷଣ ଦ୍ୱାରା ଜଳାଭାବ ଦୂର ହେବା ସହ ଭୂତଳ ଜଳର ସୁରକ୍ଷା ହୋଇପାରେ।