ଖଣି ଖନନ କାର୍ଯ୍ୟ ଦ୍ଵାରା ପରିବେଶ ଉପରେ କି ପ୍ରଭାବ ପଡ଼େ ଏବଂ ଏହାକୁ ରୋକିବା ପାଇଁ କି ପଦକ୍ଷେପ ନିଆଯାଇପାରିବ?

ପରିବେଶ ଉପରେ ପ୍ରଭାବ
ଖଣି ଖନନ ଏକ ଆବଶ୍ୟକ ଶିଳ୍ପ ହେଲେ ମଧ୍ୟ ଏହା ପରିବେଶ ଉପରେ ଅନେକ କୁପ୍ରଭାବ ପକାଏ।

1. ଖଣି ଖନନ ଫଳରେ ଭୂମିର ଆକାର ଓ ଗଠନ ନଷ୍ଟ ହୁଏ ଏବଂ ମୃତ୍ତିକା ଅବକ୍ଷୟ ଘଟେ।
2. ଖଣିରୁ ବାହାରୁଥିବା ଆବର୍ଜନାଗଦା ଓ ବର୍ଜ୍ୟବସ୍ତୁ ଭୂମିକୁ ଦୂଷିତ କରେ।
3. ଗିଲା ଦ୍ରବ୍ୟ ଓ ଖଣିଜ ବର୍ଜ୍ୟ ଜଳସ୍ରୋତ ଓ ନଦୀରେ ମିଶି ଜଳପ୍ରଦୂଷଣ ସୃଷ୍ଟି କରେ।
4. ଖଣି ଅଞ୍ଚଳରେ ଧୂଳି, ଧୂଆଁ ଓ ଶବ୍ଦ ପ୍ରଦୂଷଣ ବଢ଼େ।
5. ବନସ୍ପତି ନଷ୍ଟ ହେବା ସହିତ ଜୀବଜନ୍ତୁଙ୍କର ବାସସ୍ଥାନ ମଧ୍ୟ ନଷ୍ଟ ହୁଏ।
6. ଖଣି ଶ୍ରମିକମାନେ ଅନେକ ସମୟରେ ଦୁର୍ଘଟଣା ଓ ଅସୁରକ୍ଷିତ କାର୍ଯ୍ୟପରିବେଶର ସମ୍ମୁଖୀନ ହୁଅନ୍ତି।

ନିୟନ୍ତ୍ରଣ ପଦକ୍ଷେପ
1. କଠୋର ନିରାପତ୍ତା ବିଧିବ୍ୟବସ୍ଥା କାର୍ଯ୍ୟକାରୀ କରିବା ଆବଶ୍ୟକ।
2. ପରିବେଶ ସୁରକ୍ଷା ଆଇନକୁ କଡ଼ାକଡ଼ି ଭାବରେ ପ୍ରୟୋଗ କରିବା ଉଚିତ।
3. ଖଣି ଅଞ୍ଚଳରେ ବୃକ୍ଷରୋପଣ ଓ ଭୂମି ପୁନରୁଦ୍ଧାର କରିବା ଦରକାର।
4. ବର୍ଜ୍ୟବସ୍ତୁକୁ ଯଥାଯଥ ଭାବେ ପରିଚାଳନା କରି ଜଳସ୍ରୋତରେ ପକାଇବାକୁ ରୋକିବା ଉଚିତ।

ଏହି ପଦକ୍ଷେପଗୁଡ଼ିକ ନିଆଗଲେ ଖଣି ଖନନକୁ ‘ଘାତକ ଶିଳ୍ପ’ ଭାବରେ ବଦନାମ ହେବାରୁ ରକ୍ଷା କରାଯାଇପାରିବ।