ଓଡ଼ିଶାରେ ଲବଣ ସତ୍ୟାଗ୍ରହ ଏବଂ ଆଇନ ଅମାନ୍ୟ ଆନ୍ଦୋଳନର ପ୍ରଭାବ ଓ କାର୍ଯ୍ୟକ୍ରମ ବିଷୟରେ ଆଲୋଚନା କର।

ଓଡ଼ିଶାରେ ଲବଣ ସତ୍ୟାଗ୍ରହ ଓ ଆଇନ ଅମାନ୍ୟ ଆନ୍ଦୋଳନ
ଲବଣ ସତ୍ୟାଗ୍ରହ ଆଇନ ଅମାନ୍ୟ ଆନ୍ଦୋଳନର ଏକ ପ୍ରମୁଖ କାର୍ଯ୍ୟକ୍ରମ ଥିଲା। ଏହାର ପ୍ରଭାବ ଓଡ଼ିଶାର ବିଭିନ୍ନ ଜିଲ୍ଲାରେ ଦେଖାଦେଇଥିଲା।

1. ପୁରୀ ଜିଲ୍ଲାରେ ପଣ୍ଡିତ ନୀଳକଣ୍ଠ ଦାସ ଓ ଜଗନ୍ନାଥ ରଥଙ୍କ ନେତୃତ୍ୱରେ ଲବଣ ସତ୍ୟାଗ୍ରହ ଆରମ୍ଭ ହୋଇଥିଲା। କାକଟପୁର, ଅସ୍ତରଙ୍ଗ, ଖଣ୍ଡସାହି, କୁହୁଡ଼ି ଓ ଲାଟରା ଏହାର ପ୍ରମୁଖ କେନ୍ଦ୍ର ଥିଲା।
2. ଗଞ୍ଜାମ ଜିଲ୍ଲାରେ ବିଶ୍ଵନାଥ ଦାସ, ନିରଞ୍ଜନ ପଟ୍ଟନାୟକ, ଶଶିଭୂଷଣ ରଥ, ଦିବାକର ପଟ୍ଟନାୟକ, ସରଳାଦେବୀ ଓ ମାଳତୀ ଦେବୀ ଆନ୍ଦୋଳନ ପରିଚାଳନା କରିଥିଲେ। ଗଞ୍ଜା, ହୁମା, ଲକ୍ଷ୍ମୀପୁର ଓ ପଲ୍ଲୀନନ୍ଦ ଏହାର କେନ୍ଦ୍ରସ୍ଥଳୀ ହୋଇଥିଲା।
3. ନେତୃସ୍ଥାନୀୟ ବ୍ୟକ୍ତିମାନେ ଗିରଫ ହେଲେ ମଧ୍ୟ ଆନ୍ଦୋଳନ ଦୁର୍ବଳ ହୋଇନଥିଲା। ଏହା ଓଡ଼ିଶାରେ ଜନସାଧାରଣଙ୍କ ଜାତୀୟତାବାଦୀ ଚେତନାକୁ ଦୃଢ଼ କରିଥିଲା।

ଆଇନ ଅମାନ୍ୟ ଆନ୍ଦୋଳନର କାର୍ଯ୍ୟକ୍ରମ
4. ଲବଣ ଆଇନ ଭଙ୍ଗ କରିବା ସହିତ ବିଦେଶୀ ବସ୍ତ୍ର ବର୍ଜନ କରାଯାଇଥିଲା।
5. ସରକାରୀ ଅନ୍ୟାୟ ବିରୋଧରେ ସାମାଜିକ ବାସନ୍ଦ କରାଯାଉଥିଲା ଏବଂ ଚୌକିଦାରୀ କର ଉଚ୍ଛେଦ ପାଇଁ ଆନ୍ଦୋଳନ ହୋଇଥିଲା।
6. ନିଶାନିବାରଣ ଆନ୍ଦୋଳନ ମଧ୍ୟ ଏହାର ଏକ ପ୍ରମୁଖ କାର୍ଯ୍ୟକ୍ରମ ଥିଲା।

ଏହି ଆନ୍ଦୋଳନଗୁଡ଼ିକ ଓଡ଼ିଶାରେ ଜନସାଧାରଣଙ୍କୁ ସ୍ଵାଧୀନତା ସଂଗ୍ରାମ ସହିତ ଯୋଡ଼ି ଇଂରେଜ ଶାସନ ବିରୋଧୀ ଚେତନାକୁ ବ୍ୟାପକ କରିଥିଲା।