ମେଣ୍ଡେଲଙ୍କ ଏକସଙ୍କରଣ ପରୀକ୍ଷଣରୁ ପ୍ରଭାବୀ ଗୁଣ ନୀତି ଏବଂ ଏକକ ଗୁଣ ନୀତି କିପରି ପ୍ରକାଶିତ ହେଉଛି ବର୍ଣ୍ଣନା କର।

ମେଣ୍ଡେଲଙ୍କ ଏକସଙ୍କରଣ ପରୀକ୍ଷଣ
ମେଣ୍ଡେଲ୍ ମଟର ଗଛର ଡେଙ୍ଗା ଓ ଗେଡ଼ା ଗୁଣକୁ ନେଇ ପରୀକ୍ଷଣ କରିଥିଲେ। ଡେଙ୍ଗା ଗୁଣକୁ T ଏବଂ ଗେଡ଼ା ଗୁଣକୁ t ଦ୍ୱାରା ପ୍ରକାଶ କରାଯାଏ।

1. ଶୁଦ୍ଧ ଡେଙ୍ଗା ଗଛ (TT) ଓ ଶୁଦ୍ଧ ଗେଡ଼ା ଗଛ (tt) ମଧ୍ୟରେ ସଙ୍କରଣ କରିବାରୁ ପ୍ରଥମ ଅପତ୍ୟ ପିଢ଼ି (F1)ର ସମସ୍ତ ଗଛ ଡେଙ୍ଗା ହେଲା। ସେମାନଙ୍କର ଗୁଣସଂଯୋଜନ Tt ଥିଲା।

2. Tt ଗଛରେ T ଓ t ଦୁଇଟି ଗୁଣ ରହିଥିଲେ ମଧ୍ୟ T ପ୍ରକାଶିତ ହେଲା ଏବଂ t ପ୍ରକାଶିତ ହୋଇପାରିଲା ନାହିଁ। ଏଥିରୁ ପ୍ରଭାବୀ ଗୁଣ ନୀତି ପ୍ରକାଶ ପାଏ। ଅର୍ଥାତ୍ ଏକ ଯୁଗଳ ବିକଳ୍ପୀ ଗୁଣ ମଧ୍ୟରୁ ପ୍ରଭାବୀ ଗୁଣ ଅପ୍ରଭାବୀ ଗୁଣକୁ ଦମନ କରେ।

3. F1 ଗଛଗୁଡ଼ିକର ସ୍ୱପରାଗଣ କରିବାରୁ F2 ପିଢ଼ିରେ ଡେଙ୍ଗା ଓ ଗେଡ଼ା ଗଛ ଦେଖାଗଲା। ସେମାନଙ୍କର ବାହ୍ୟ ଲକ୍ଷଣ ଅନୁପାତ 3:1 ଥିଲା।

4. ପ୍ରତ୍ୟେକ ଗୁଣ ଏକ ଯୁଗଳ କାରକ ଦ୍ୱାରା ନିୟନ୍ତ୍ରିତ ହୁଏ। ଏହି ଯୁଗଳର ଗୋଟିଏ କାରକ ପିତାଠାରୁ ଓ ଅନ୍ୟଟି ମାତାଠାରୁ ଆସେ। ଏହାକୁ ଏକକ ଗୁଣ ନୀତି କୁହାଯାଏ।

5. ତେଣୁ ଏକସଙ୍କରଣ ପରୀକ୍ଷଣରୁ ପ୍ରଭାବୀ ଗୁଣ ନୀତି ଓ ଏକକ ଗୁଣ ନୀତି ସ୍ପଷ୍ଟ ହୋଇଥାଏ।