ମଣିଷର ସନ୍ତାନର ଲିଙ୍ଗ ନିର୍ଦ୍ଧାରଣ ପ୍ରକ୍ରିୟା ବିଷୟରେ ଆଲୋଚନା କର ।

ମଣିଷର ସନ୍ତାନର ଲିଙ୍ଗ ନିର୍ଦ୍ଧାରଣ
ମଣିଷର ଗୁଣସୂତ୍ର ସଂଖ୍ୟା 23 ଯୋଡ଼ା। ଏଥିରୁ 22 ଯୋଡ଼ା ଅଟୋଜୋମ୍ (Autosome) ଏବଂ ଗୋଟିଏ ଯୋଡ଼ା ଲିଙ୍ଗ ଗୁଣସୂତ୍ର (Sex chromosome) ଅଟେ।

1. ସ୍ତ୍ରୀର ଲିଙ୍ଗ ଗୁଣସୂତ୍ର XX ଏବଂ ପୁରୁଷର ଲିଙ୍ଗ ଗୁଣସୂତ୍ର XY ଅଟେ।
2. ପ୍ରତ୍ୟେକ ପରିପକ୍ୱ ଡିମ୍ଭାଣୁରେ 22ଟି ଅଟୋଜୋମ୍ ଓ ଗୋଟିଏ X ଗୁଣସୂତ୍ର ଥାଏ।
3. ଶୁକ୍ରାଣୁ ଦୁଇ ପ୍ରକାରର—ଅର୍ଦ୍ଧେକରେ 22ଟି ଅଟୋଜୋମ୍ ସହ X ଗୁଣସୂତ୍ର ଏବଂ ଅବଶିଷ୍ଟ ଅର୍ଦ୍ଧେକରେ 22ଟି ଅଟୋଜୋମ୍ ସହ Y ଗୁଣସୂତ୍ର ଥାଏ।
4. X ଥିବା ଶୁକ୍ରାଣୁ ଡିମ୍ଭାଣୁ ସହ ମିଳିଲେ: X + X = XX, ତେଣୁ କନ୍ୟା ସନ୍ତାନ ଜାତ ହୁଏ।
5. Y ଥିବା ଶୁକ୍ରାଣୁ ଡିମ୍ଭାଣୁ ସହ ମିଳିଲେ: X + Y = XY, ତେଣୁ ପୁତ୍ର ସନ୍ତାନ ଜାତ ହୁଏ।
6. ଏହିପରି ପୁତ୍ର କିମ୍ବା କନ୍ୟା ଜନ୍ମ ପାଇଁ ପିତାଙ୍କ ଶୁକ୍ରାଣୁ ଦାୟୀ। ତେଣୁ ପୁଅ ଜନ୍ମ ନ ହେଲେ ମା’କୁ ଦୋଷ ଦେବା ବିଜ୍ଞାନସମ୍ମତ ନୁହେଁ।

ଉପସଂହାର: ଡିମ୍ଭାଣୁ ସହ X କିମ୍ବା Y ଶୁକ୍ରାଣୁର ସମାୟନ ଅନୁସାରେ ସନ୍ତାନର ଲିଙ୍ଗ ନିର୍ଦ୍ଧାରିତ ହୁଏ।