ଜୁଆରିଆ ଅରଣ୍ୟର ସ୍ଥାନୀୟ ବିଶେଷତ୍ୱ ଏବଂ ଓଡ଼ିଶାରେ ଦେଖାଯାଉଥିବା 'କ୍ଷୁଦ୍ର ସୁନ୍ଦର ବନ' ବିଷୟରେ ବର୍ଣ୍ଣନା କରନ୍ତୁ।

ଜୁଆରିଆ ଅରଣ୍ୟର ସ୍ଥାନୀୟ ବିଶେଷତ୍ୱ
ଜୁଆରିଆ ଅରଣ୍ୟ (Tidal or Mangrove Forest) ସମୁଦ୍ର ଉପକୂଳର ଜୁଆର-ଭଟ୍ଟା ପ୍ରଭାବିତ ଅଞ୍ଚଳରେ ଗଠିତ ହୁଏ।
1. ହାରାହାରି 120 ସେ.ମି. ବାର୍ଷିକ ବୃଷ୍ଟିପାତ ଥିବା ସମୁଦ୍ର ଉପକୂଳୀୟ ତ୍ରିକୋଣଭୂମି ଓ ନିମ୍ନଭୂମିରେ ଏହା ଦେଖାଯାଏ।
2. ଜୁଆର ବେଳେ ଏହି ଅଞ୍ଚଳ ଲୁଣିଆ ସମୁଦ୍ରଜଳରେ ପୂର୍ଣ୍ଣ ହୁଏ ଏବଂ ଭଟ୍ଟାବେଳେ ଶୁଖିଲା ଓ କାଦୁଅ ଅବସ୍ଥାକୁ ଆସେ।
3. ଭାରତର ପୂର୍ବ ଉପକୂଳରେ ଗଙ୍ଗା ନଦୀର ମୁହାଣଠାରୁ କାବେରୀ ନଦୀର ମୁହାଣ ପର୍ଯ୍ୟନ୍ତ ଏହି ଅରଣ୍ୟ ଦେଖାଯାଏ।
4. ଗଙ୍ଗା-ବ୍ରହ୍ମପୁତ୍ରର ଯୁଗ୍ମ ତ୍ରିକୋଣଭୂମିରେ ସୁନ୍ଦରୀ ଗଛ ଅଧିକ ଥିବାରୁ ଏହାକୁ ସୁନ୍ଦରବନ କୁହାଯାଏ।
5. ଓଡ଼ିଶାର ମହାନଦୀ-ବ୍ରାହ୍ମଣୀ-ବୈତରଣୀର ମିଶ୍ରିତ ତ୍ରିକୋଣଭୂମିରେ ହେନ୍ତାଳ ବୃକ୍ଷର ଅରଣ୍ୟ ଦେଖାଯାଏ। ଏହାକୁ ହେନ୍ତାଳ ବନ ବା କ୍ଷୁଦ୍ର ସୁନ୍ଦର ବନ କୁହାଯାଏ।
କ୍ଷୁଦ୍ର ସୁନ୍ଦର ବନର ଗଛଗୁଡ଼ିକ ପ୍ରାୟ 30 ମିଟର ଉଚ୍ଚ ହୁଅନ୍ତି। ଏହାର କାଠ ବିଶେଷ ମୂଲ୍ୟବାନ ନୁହେଁ, କିନ୍ତୁ ବାତାବର୍ତ୍ତ ଓ ଉଚ୍ଚ ଜୁଆରରୁ ରକ୍ଷା କରିବା ପାଇଁ ଏହା ପ୍ରତିରୋଧକ ବଳୟ ବା ଆଶ୍ରୟ ବଳୟ ଭାବେ କାର୍ଯ୍ୟ କରେ। ଏହି ଅରଣ୍ୟର କେତେକ ଅଂଶ ସଫା କରି ଜନବସତି ଓ କୃଷିକ୍ଷେତ୍ର କରାଯାଇଛି।