ମଣିଷର ବିବର୍ତ୍ତନ ପ୍ରକ୍ରିୟା ବିଷୟରେ ଆଲୋଚନା କରନ୍ତୁ।

ମଣିଷର ବିବର୍ତ୍ତନ ପ୍ରକ୍ରିୟା

ଜୀବାଶ୍ମ, ଆଣବିକ ଜୀବବିଜ୍ଞାନ ଓ ଶରୀରତତ୍ତ୍ୱର ଅଧ୍ୟୟନରୁ ପ୍ରମାଣିତ ହୋଇଛି ଯେ ମଣିଷର ପୂର୍ବଜ ବାନରସଦୃଶ ପ୍ରାଣୀ ଥିଲେ।

1. ପ୍ରାୟ କୋଡ଼ିଏ ନିୟୁତ ବର୍ଷ ପୂର୍ବେ ଆଫ୍ରିକା ଓ ଏସିଆରେ ରାମାପିଥେକସ୍ (Ramapithecus) ଓ ଶିବାପିଥେକସ୍ (Sivapithecus) ଚଳପ୍ରଚଳ କରୁଥିଲେ।

2. ଏମାନେ ପରେ ପ୍ରାୟ ପଚାଶ ଲକ୍ଷ ବର୍ଷ ପୂର୍ବେ ଆଫ୍ରିକାରେ ବସବାସ କରୁଥିବା ଅଷ୍ଟ୍ରାଲୋପିଥେକସ୍ (Australopithecus)ର ପୂର୍ବଜ ଥିଲେ।

3. ଅଷ୍ଟ୍ରାଲୋପିଥେକସ୍ ପ୍ରଥମେ ଦୁଇ ଗୋଡ଼ରେ ସିଧା ହୋଇ ଚାଲୁଥିଲା। ଏଥିରେ ତାହାର ଦୁଇ ବାହୁ ଆତ୍ମରକ୍ଷା ଓ ଶିକାର ପାଇଁ ମୁକ୍ତ ହୋଇଥିଲା। ସେ ଅସ୍ତ୍ର ଓ ବିଭିନ୍ନ ହତିଆର ବ୍ୟବହାର କରୁଥିଲା।

4. ଅଷ୍ଟ୍ରାଲୋପିଥେକସ୍‌ରୁ କ୍ରମେ ହୋମୋ ହ୍ୟାବିଲିସ୍ (Homo habilis), ହୋମୋ ଇରେକଟସ୍ (Homo erectus) ଓ ହୋମୋ ସେପିଏନ୍ସ (Homo sapiens) ଆଦି ମଣିଷର ଉଦ୍ଭବ ହେଲା।

5. ହୋମୋ ସେପିଏନ୍ସ ପ୍ରାୟ ପାଞ୍ଚଲକ୍ଷ ବର୍ଷ ପୂର୍ବେ ଆଫ୍ରିକାରେ ବସବାସ କରୁଥିଲା। ସେମାନେ ନିଆଁର ବ୍ୟବହାର ଜାଣିଥିଲେ ଓ ଡଙ୍ଗା ସାହାଯ୍ୟରେ ନଦୀ ପାର ହେଉଥିଲେ। ପରେ ସେମାନେ ଆଫ୍ରିକାରୁ ପୃଥିବୀର ବିଭିନ୍ନ ଅଞ୍ଚଳକୁ ଯାଇ ବସବାସ କଲେ।

ମଣିଷର ଜୈବିକ ବିବର୍ତ୍ତନ ପରେ ସାଂସ୍କୃତିକ ବିବର୍ତ୍ତନ ଆରମ୍ଭ ହେଲା। ଏହି ବିବର୍ତ୍ତନ ଏକ ଧାରାବାହିକ ପ୍ରକ୍ରିୟା ଏବଂ ଏହା ଆଜି ମଧ୍ୟ ଅବ୍ୟାହତ ଅଛି।