ଆଧୁନିକ ପର୍ଯ୍ୟାୟ ସାରଣୀର ବିକାଶରେ ହେନ୍ରୀ ମୋସଲୀଙ୍କ ଅବଦାନ ବର୍ଣ୍ଣନା କର। ମେଣ୍ଡେଲିଫଙ୍କ ପର୍ଯ୍ୟାୟ ନିୟମରେ କି ପ୍ରକାର ତ୍ରୁଟି ରହିଥିଲା?

ହେନ୍ରୀ ମୋସଲୀଙ୍କ ଅବଦାନ

1. ହେନ୍ରୀ ମୋସଲୀ 1913 ମସିହାରେ ଦର୍ଶାଇଥିଲେ ଯେ, ଗୋଟିଏ ମୌଳିକର ପରମାଣୁ କ୍ରମାଙ୍କ ତାହାର ପାରମାଣବିକ ବସ୍ତୁତ୍ୱଠାରୁ ଅଧିକ ପ୍ରାଥମିକ ଧର୍ମ।

2. ପରମାଣୁ କ୍ରମାଙ୍କ (Z) ନ୍ୟୁକ୍ଲିଅସରେ ଥିବା ପ୍ରୋଟନ ସଂଖ୍ୟାକୁ ସୂଚାଏ।

3. ମୌଳିକଗୁଡ଼ିକୁ ପରମାଣୁ କ୍ରମାଙ୍କର ବର୍ଧିତ କ୍ରମରେ ସଜାଇଲେ ଆଧୁନିକ ବା ଦୀର୍ଘକାୟ ପର୍ଯ୍ୟାୟ ସାରଣୀ ମିଳେ।

4. ଏହା ଫଳରେ ମୌଳିକଗୁଡ଼ିକର ଧର୍ମ ଅଧିକ ସଠିକତା ସହ ପୂର୍ବାନୁମାନ କରାଯାଇପାରିଲା।

5. ମୋସଲୀଙ୍କ ଆବିଷ୍କାର ଆଧାରରେ ମେଣ୍ଡେଲିଫଙ୍କ ପର୍ଯ୍ୟାୟ ନିୟମକୁ ଆଂଶିକ ପରିବର୍ତ୍ତନ କରି ପରମାଣୁ କ୍ରମାଙ୍କକୁ ଆଧୁନିକ ପର୍ଯ୍ୟାୟ ସାରଣୀର ମୂଳସୂତ୍ର କରାଗଲା।

ମେଣ୍ଡେଲିଫଙ୍କ ପର୍ଯ୍ୟାୟ ନିୟମର ତ୍ରୁଟି

ମେଣ୍ଡେଲିଫଙ୍କ ନିୟମ ଅନୁସାରେ ମୌଳିକଗୁଡ଼ିକର ଗୁଣ ସେମାନଙ୍କର ପାରମାଣବିକ ବସ୍ତୁତ୍ୱର ପର୍ଯ୍ୟାୟ ଫଳନ। କିନ୍ତୁ ପାରମାଣବିକ ବସ୍ତୁତ୍ୱ ଅନୁସାରେ ସଜାଇଲେ କେତେକ ମୌଳିକର କ୍ରମ ଓ ଧର୍ମରେ ଅସଙ୍ଗତି ଦେଖାଯାଉଥିଲା। ତେଣୁ ପାରମାଣବିକ ବସ୍ତୁତ୍ୱ ପରିବର୍ତ୍ତେ ପରମାଣୁ କ୍ରମାଙ୍କକୁ ଆଧାର କରିବା ଅଧିକ ଯୁକ୍ତିସଙ୍ଗତ ହେଲା।