ସଂକ୍ଷିପ୍ତ ଟିପ୍ପଣୀ ଲେଖା ଗର୍ଭାଶୟ

ଗର୍ଭାଶୟ
ଗର୍ଭାଶୟ ସ୍ତ୍ରୀ ଜନନତନ୍ତ୍ରର ଏକ ପ୍ରମୁଖ ଅଙ୍ଗ। ଏହା ଡିମ୍ଭବାହୀ ନଳୀ ଓ ଯୋନି ମଧ୍ୟରେ ଅବସ୍ଥିତ ଥାଏ ଏବଂ ଭ୍ରୂଣର ଅନ୍ତଃରୋପଣ ଓ ବିକାଶ ପାଇଁ ଉପଯୁକ୍ତ ସ୍ଥାନ ଯୋଗାଏ।

1. ନିଷେଚନ ପରେ ଗଠିତ ଯୁଗ୍ମଜ ବିଭାଜିତ ହୋଇ ଭ୍ରୂଣରେ ପରିଣତ ହୁଏ।
2. ଏହି ଭ୍ରୂଣର ଅନ୍ତଃରୋପଣ ଗର୍ଭାଶୟର ଭିତର ଆବରଣରେ ହୁଏ।
3. ଅନ୍ତଃରୋପଣ ପରେ ଗାଷ୍ଟ୍ରୁଲେସନ୍ ପ୍ରକ୍ରିୟାରେ ଗାଷ୍ଟ୍ରୁଲା ଗଠିତ ହୁଏ।
4. ଗାଷ୍ଟ୍ରୁଲାରେ ଏକ୍ଟୋଡର୍ମ, ମିସୋଡର୍ମ ଓ ଏଣ୍ଡୋଡର୍ମ ନାମକ ତିନୋଟି ଜାୟକ ସ୍ତର ରହେ।
5. ଅଙ୍ଗବିକାଶ ପ୍ରକ୍ରିୟାରେ ଏହି ଜାୟକ ସ୍ତରଗୁଡ଼ିକରୁ ବିଭିନ୍ନ ଟିସୁ ଓ ଅଙ୍ଗ ଗଠିତ ହୁଏ।
6. ପରେ ଏହି ଅଙ୍ଗଗୁଡ଼ିକ ମିଶି ବିଭିନ୍ନ ଅଙ୍ଗତନ୍ତ୍ର ଗଠନ କରନ୍ତି।
7. ଗର୍ଭାଶୟରେ ଭ୍ରୂଣ କ୍ରମେ ବୃଦ୍ଧି ଓ ବିକାଶ ଲାଭ କରେ।
8. ଭ୍ରଣବନ୍ଧ ମାଧ୍ୟମରେ ଭ୍ରୂଣ ମାଆଠାରୁ ଆବଶ୍ୟକ ପୋଷକଦ୍ରବ୍ୟ ଓ ଅନ୍ୟାନ୍ୟ ସାହାଯ୍ୟ ପାଏ।
9. ଗର୍ଭାଶୟ ଭ୍ରୂଣକୁ ସୁରକ୍ଷିତ ପରିବେଶ ଯୋଗାଇ ତାହାର ପୂର୍ଣ୍ଣ ବିକାଶରେ ସାହାଯ୍ୟ କରେ।
10. ଗର୍ଭାଶୟରେ ଶିଶୁର ପୂର୍ଣ୍ଣ ବିକାଶ ଶେଷ ହେଲାପରେ ପ୍ରସବ ପ୍ରକ୍ରିୟାରେ ଶିଶୁ ମାଆ ଶରୀରରୁ ବାହାରି ଆସେ।
ଏହିପରି ଗର୍ଭାଶୟ ଭ୍ରୂଣର ଅନ୍ତଃରୋପଣ, ପୋଷଣ, ବୃଦ୍ଧି ଓ ପୂର୍ଣ୍ଣ ବିକାଶ ପାଇଁ ଅତ୍ୟାବଶ୍ୟକ ଅଙ୍ଗ।